|
Oberpfalz - Weihnacht -
Kastler Illustrierte - Heinz Lang
Bauernweihnacht
von Hans Watzlik, einem Lehrer aus
Amberg, D´Straßn, d´Felder, d´Wiesn umadum Alles is staad und alles is stumm Rührt se nix, reibt se nix Schneibm duats grod gnou Schneeweiß fallt´s owa und alles deckt´s zou Koa kloa leisig´s Winderl niat waht Koa Kuah brüllt, koa Hund bellt, alles is staad. A windschöichs Häuserl steht omad am Berch Da Wech kraxelt affe, ganz über zwerch Da Zaun is marode und d´Schind´ln am Doch Gan schächtig san d´Mauern, a Not is, a Ploch Owa d´Fenster, die leucht´n von an himmelhell´n Schein Kann denn a roußige Stubm no hellichter sein? A windschöichs Bäumeerl stemmt d´Asterl in d´ Höih Himmelhagl ! - Is des schöi D´Kerzln auf die Zweigerl´n funkeln ummera so froh "S´Christkindl!" sagt da Vata, "s´Christkindl war do!" "S´Christkindl ?" song d´Kinda, ganz glücklich schauns´drei. "S´Christkindl!" bampft da Ahnherr, hot d´Aung vuller Schein. Es liegt net vül ummera, von am Reichtum koa Red, Owa d´Liab und da Glaub´m und a herzlich´s Gebet. Und d´Freud und a Fried´n, da Fried´n is dabei. Ja kann denn a so a ruaßige Stub´m no helllichter sei? |